ഒരു പാവം മോന്‍ !!!

"മോന്‍" എന്ന് കെട്ട് തെറ്റിദ്ധരിക്കരുത്, ഇത് ഒരു പ്രായപൂര്‍ത്തിയായ മോന്‍.... അതെ ... നമ്മുടെ ജിസ്മോന്‍. ജിസ്മോന്‍ ഈയിടെയായി വല്ലാത്ത ഒരു വിഷാദാവസ്ഥയിലാണ്‍്.... ഒരു തരം depression... കാരണം..., തന്‍റെ "ജിസ്മോന്‍" എന്ന പേര് തന്നെ... അതിന് കാരണമായ ഈയിടയായി നടന്ന സംഭവങ്ങള്‍ ഇതാ ....
ഒരു ദിവസം ജിസ്മോന്റെ വീട്ടില്‍ ജിസ്മോന്‍ പരിചയമില്ലാത്ത കുറച്ചു വിരുന്നുകാര്‍ വന്നു. നാണം കുണുങ്ങിയായ ജിസ്മോന്‍ തന്‍റെ റൂമില്‍ തന്നെ ഇരുന്നു....അവരുമായി സംസാരിച്ചുകൊണ്ടിരിക്കുന്നതിനിടെ
ജിസ്മോന്റെ അമ്മ: "ഒരു മിനിട്ടേ .. ഞാന്‍ ജിസ്മോന് പാല് കൊടുത്തിട്ട് വരാം ".
അത് കേട്ട ഉടനെ അവരുടെ കൂടെ ഉണ്ടായിരുന്ന ഒരു ചെറിയ കൊച്ച് - പിങ്കു മോള്‍ : "അമ്മേ ഞാന്‍ ജിസ്മോന്റെ കൂടെ കളിച്ചോട്ടെ ?"

അമ്മ എന്തെങ്കിലും പറയുന്നതിന് മുന്പ് പിങ്കു മോള്‍ അമ്മയുടെ മടിയില്‍ നിന്നു ചാടിയിറങ്ങി അകത്തേക്ക് ഓടിയിരുന്നു ... പക്ഷെ അതിന്റെ ഇരട്ടി വേഗത്തില്‍ പേടിച്ചു കരഞ്ഞു കൊണ്ട് തിരിച്ചെത്തിയ പിങ്കു മോളെ കണ്ട് അമ്മ അത്ഭുതപ്പെട്ടു .... പിന്നീടാണ്‌ കാര്യം മനസ്സിലായത്‌.... .

അന്ന് രാത്രി ജിസ്മോന്‍ ഭക്ഷണം പോലും കഴിച്ചില്ല ....

പിന്നീട് ഒരിക്കല്‍ ബ്രോക്കര്‍ കേശവന്‍ അത് വഴി പോകുന്നതിനിടെ ജിസ്മോന്റെ വീട്ടില്‍ കേറി... അവിടെ ബാംഗ്ലൂരില്‍ ജോലി ചെയ്യുന്ന , കല്യാണ പ്രായമായ ഒരു പയ്യന്‍ ഉണ്ടെന്ന് പറഞ്ഞു കേട്ടിരുന്നു.... ജിസ്മോന്‍ അന്ന് നാട്ടിലായിരുന്നു , രാവിലെ തന്നെ ക്രിക്കറ്റ് കളിക്കാന്‍ പോയി ....
ബ്രോക്കര്‍ : "നിങ്ങള്‍ക്ക് ഒരു മകന്‍ ഇല്ലേ ?"
അമ്മ : ജിസ്മോന്‍ അല്ലേ ? അവന്‍ കളിക്കാന്‍ പോയിരിക്കുകയാ ..
ബ്രോക്കര്‍ : (അയ്യോ വീട് മാറിപ്പോയി എന്ന് തോന്നുന്നു ) ....ങ്ങാ ...ആആ .. അവന്‍ തന്നെ... മോന്‍ ഇപ്പോള്‍ ഏത് ക്ലാസ്സിലാ പഠിക്കുന്നത് ?...........


അതിന് ശേഷം തന്‍റെ പേര് ചോദിക്കുന്നവരോട് ജിസ്മോന്‍ പറയും
"സര്‍ട്ടിഫിക്കറ്റ് -ലൊക്കെ ജിസ്മോന്‍ എന്നാണ് പേര് എങ്കിലും എന്നെ എല്ലാവരും വിളിക്കുന്നത് 'Jiss' എന്നാ .."