സബീറിന്റെ അസ്കിത

സബീറിന്റെ അസ്കിത

¯¯¯¯¯¯¯¯¯¯¯¯¯¯¯

ക്യാമ്പസ്‌ റിക്രൂട്മെന്റിന്റെ ഭാഗമായി Trivandrum Batch-ലെ students ഞങ്ങളുടെ കോളേജില്‍ വന്നു.

Ofcourse,there were girls too. ആ കൂട്ടത്തിലെ കാണാന്‍ ഒരു ഭംഗിയും ഇല്ല എന്ന് എല്ലാവരും മുദ്ര കുത്തിയ ഒരു പെണ്ണിനെ നോക്കി സബീര്‍ പറഞ്ഞു "അവളെ എനിക്ക് ഇഷ്ടപ്പെട്ടു..ആ‍ കണ്ണുകള്‍...അതാണെന്നെ ആകര്‍ഷിച്ചത്".

അതോടെ അവള്‍ സബീറിന്റെ തലയില്‍ ആയി എന്ന് പ്രത്യേകം പറയേണ്ടല്ലോ?.

അവള്‍ നടന്നു പോകുമ്പോള്‍ "സബീര്‍..സബീര്‍" എന്ന അശരീരി മുഴങ്ങും.

അവള്‍ തന്റെ പ്രേമഭാജനം ആകുന്ന ദുസ്വപ്നങ്ങള്‍ കണ്ടു സബീര്‍ ഞെട്ടി എണീക്കാന്‍ തുടങ്ങി.

അങ്ങനെ "അസിത" എന്ന ആ പെണ്‍കുട്ടി സബീറിന്റെ "അസ്കിത" ആയി.ഒടുവില്‍ സബീര്‍ അവളോട്‌ "ഞാന്‍ കുട്ടിയെ ഒരിക്കലും ആ രീതിയില്‍ കണ്ടിട്ടില്ല" എന്ന് തുറന്നു പറയാന്‍ തന്നെ തീരുമാനിച്ചു.

രണ്ടു പേരും ആദ്യമായി സംസാരിച്ച ആ മനോഹര നിമിഷങ്ങള്‍......

സബീര്‍ : " ഞാന്‍ വന്നത്...അത് പിന്നെ..ഒരു കാര്യം..."

അസ്കിത : "എനിക്ക് അറിയാം..., എങ്ങനെ അറിഞ്ഞു എന്ന് ചോദിക്കരുത് ... ആദ്യമൊന്നും ഇഷ്ട്ടമായിരുന്നില്ല .. പക്ഷെ ഇപ്പോള്‍ ...."

സബീര്‍ : "#@&%* !!!!! ?"

അസ്കിത :"അല്ലെങ്കില്‍ തന്നെ എന്റെ ജാതകത്തില്‍ ഉണ്ട് ഞാന്‍ ഒരു അന്യ മതത്തിലുള്ള പുരുഷനെ വിവാഹം ചെയ്യുമെന്ന് "

ഒരു നാണത്തോടെ ഓടിപ്പോവുന്നതിനിടെ അവള്‍ വിളിച്ചു പറഞ്ഞു "സബീറിക്ക ...ഇനി ഞാന്‍ അങ്ങനെയേ വിളിക്കൂട്ടോ "

ജീവിത്തില്‍ ആദ്യമായി സബീരിന്റെ ചിരി കുറച്ചു നിമിഷത്തേക്ക് നിന്നു പോയി.കണ്ണ് തള്ളി, അന്തം വിട്ടു നില്‍ക്കുന്ന സബീറിന്റെ ആ‍ രൂപം ഇപ്പോഴും എന്റെ മനസ്സില്‍ ചിരിയുണര്‍ത്തുന്നു.

•••¤¤¤oooOOOOooo¤¤¤•••